×

2021 թվականի Հայաստանի գաստրո-ոլորտի 9 իրադարձությունները

GastroVino-ն ներկայացնում է 2021 թվականի ընթացքում Հայաստանի ռեստորանային ոլորտի կարեւորագույն իրադարձությունների իր տարբերակը:

1.    Մեդս Ռեֆսլունդի այցը Հայաստան

Աշնանը Հայաստան այցելեց աշխարհահռչակ շեֆ-խոհարար, աշխարհի լավագույն ռեստորաններից մեկի՝ NOMA (Դանիա) ռեստորանի համահիմնադիր եւ նախկին շեֆ Մեդս Ռեֆսլունդը:

Լուսանկարը՝ Մեդիամաքս Մեդս Ռեֆսլունդը


Նա «գաստրոնոմիկ ներկայացումներ» տվեց Ծաղկունք գյուղի Tsaghkunk Restaurant & Glkhatun ռեստորանում:

2.    Point of View-ի բացումը

Սեպտեմբերին Wine Republic Yerevan ռեստորանային խումբը ներկայացրեց իր նոր նախագիծը:Մելիք Ադամյան 2/2 հասցեում` Հայկական բարեգործական ընդհանուր միության (AGBU) շենքում, բացվեց Point of View «rooftop» ռեստորանը։

Լուսանկարը՝ Մեդիամաքս


Հիմա այն անցել է «ձմեռային ռեժիմի»՝ իր հյուրերին առաջարկելով նոր ինտերիեր, նոր մենյու ու գեղեցիկ տեսարան` նաեւ ցուրտ եղանակին վայելելու հնարավորությամբ։

3.    Avocado Queen Yerevan-ի բացումը

Գարնանը ռեստորանային ոլորտում ավելի քան 100 նախագիծ ունեցող Novikov Group-ն իր առաջին ռեստորանը բացեց Հայաստանում՝ Avocado Queen Yerevan-ը։

Այն Novikov Group-ի եւ Pinskiy Co-ի համատեղ նախագիծն է:

Լուսանկարը՝ Մեդիամաքս


Սարյան փողոցում բացված ռեստորանն Avocado Queen-ի 8-րդ մասնաճյուղն է, մյուսները գործում են Ռուսաստանի մի քանի քաղաքներում, Իսպանիայում, Բոդրումում։

4.    Syrovarnya Armenia-ի բացումը

Գարնանը բացվեց նաեւ Novikov Group-ի երկրորդ հայաստանյան նախագիծը՝ Syrovarnya Armenia-ն։

Լուսանկարը՝ Մեդիամաքս


Հյուսիսային պողոտայում գործող իտալական ռեստորանի մենյուի հիմքում երեք կարեւոր բաղադրիչ կա՝ պանիր, լոլիկ եւ լավ խմոր։

5.    Pizza RIA-ի բացումը

Մարտին Սարյան 12/2 հասցեում բացված նեապոլիտանական ավանդական Pizza RIA պիցցերիան շատ արագ սիրվեց երեւանցիների կողմից եւ հերքեց այն կարծրատիպը, որ հաջողակ ռեստորանը պետք է անպայման մեծ լինի:

Լուսանկարը՝ Մեդիամաքս


Հաջողության գլխավոր «մեղավորը» Pizza RIA-ի հիմնադիր ու խոհարար Հեղինե Մանուկյանն է:

6.    Burgery-ի բացումը

Հունվարի 11-ից Հայաստանի ամենախոշոր ռեստորանային խումբը՝ Yeremyan Projects-ը, Ամիրյան 3/37 հասցեում բացեց Burgery Angus & More-ը։

Լուսանկարը՝ Yeremyan Projects


Անգուսի միսը Yeremyan Products-ի արտադրանքն է։

7.    SEASONS-ի անցումը «Երեմյան Փրոջեքթսի» կազմ

Մայիսից Մաշտոցի 15/5 հասցեում գտնվող SEASONS ռեստորանն ու M-CAFE սրճարանը գործում են «Երեմյան Փրոջեքթս» ընկերության կազմում:

SEASONS-ը «Բոլոր եղանակները Ձեզ համար» հայեցակարգի շրջանակում առաջարկում է ամեն եղանակին բնորոշ մոտեցումներ ու գաղափարներ։

Լուսանկարը՝ Yeremyan Projects


Համալիրի կազմում գործում են SEASONS-SWEETLAND հրուշակարանն ու SEASONS GELATERIA պաղպաղակի հատվածը։

8.    PAUL-ի բացման ազդարարումը

Հոկտեմբերին «Գալաքսի» խումբը հայտարարեց, որ 2022թ․-ին Աբովյան 8 հասցեում կբացվի Հայաստանում առաջին PAUL սրճարանը:

Առաջիկա մի քանի տարում «Գալաքսի»-ն ծրագրում է 5 PAUL սրճարան-ռեստորան բացել Հայաստանում:

9.    Hard Rock Cafe Yerevan-ի բացման ազդարարումը

Դեկտեմբերի սկզբին ազդարարվեց, որ 2022 թվականի երկրորդ եռամսյակում կբացվի Hard Rock Cafe Yerevan-ը:

Wine Republic Yerevan ռեստորանային խմբի եւ Հայաստանի պետական հետաքրքրությունների ֆոնդի (ԱՆԻՖ) համատեղ նախագիծը գործելու է Պուշկինի 3-1 հասցեում:

Լուսանկարը՝ Մեդիամաքս


Hard Rock Cafe International ընկերության ֆրանչայզինգի  գործառնությունների փոխնախագահ Անիբալ Ֆերնանդեսն ասել էր․ «Այն նորույթ է լինելու Հայաստանի համար, նման այլ բան Երեւանում չեք գտնի, հավատացեք ինձ»:

Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Կարդալ ավելին