Հայաստանում առաջին PAUL-ը կբացվի Աբովյան 8 հասցեում` համադրելով հին Երեւանի ճարտարապետությունն ու Ֆրանսիական հացաբուլկեղենի մշակույթը:

«Մոտ մեկ տարվա դադարից հետո «Գալաքսի» ընկերությունների խումբը եւ PAUL Interntional-ը ավարտական փուլին են հասցնում զարգացման այս նախագիծը, որը առաջիկա մի քանի տարում PAUL-ի անվանական հացաբուլկեղենի 5 սրճարան-ռեստորան կբացի Հայաստանում` մոտ 200 նոր բարձր վարձատրվող աշխատատեղերի ստեղծման հնարավորությամբ», - ասված է «Գալաքսի»-ի հաղորդագրության մեջ:

4

«PAUL-ը հայ-ֆրանսիական բարեկամության գեղեցիկ օրինակներից է եւ պատերազմից հետո առաջին միջազգային հեղինակավոր բրենդը, որ մուտք է գործում Հայաստան: Սա մեզ համար պատիվ ու պատասխանատվություն է: Ուրախ ենք արձանագրել, որ երկրում ստեղծված դժվարությունները հաղթահարելով՝ նորից կարողանում ենք զարգացման ծրագրեր իրականացնել ու ներդրումներ ներգրավվել, ինչը, վստահաբար, իր տնտեսական ու սոցիալական ազդեցությունը կունենա Հայաստանի վրա: Օրակարգում նաեւ Երեւանից դուրս PAUL-ի բացումն է, ինչը համայնքային զարգացմանը կխթանի»,- ասել է «Գալաքսի» ընկերությունների խմբի կառավարման խորհրդի համանախագահ, PAUL նախագծի ղեկավար Արտյոմ Խաչատրյանը:  

Հայաստանյան առաջին PAUL-ի համադրման համար աշխատում են ֆրանսիական Panetude դիզայն ստուդիան, որը հայկական Electric Architects-ի հետ համատեղ ստուդիայի հետ հետեւում է ֆրանսիական բրենդի պահանջների իրականացմանը հայկական պատմական նշանակություն ունեցող շենքի պահպանման պահանջների հետ: PAUL-ը տեղակայվում է 1884 թվականին Երեւանում կառուցված հասարակական գործիչ, վաճառական Բարսեղ Եղիազարյանի տանը:

4

«Գալաքսի» ընկերությունների խմբի նախաձեռնությամբ շենքի պահպանման համար կատարվել են հետազոտական եւ նախագծային աշխատանքներ` ազգային արխիվից ուսումնասիրությունից  միջազգային հետազոտություններ: «Գալաքսիի» հիմնադիրների համար կարեւոր է երեւանյան պատմամշակութային հուշարձանների ամբողջական պահպանումն ու դրանց վերածնունդը` ինքնության, պատմության տեսանկյունից, ինչպես նաեւ զբոսաշրջային ոլորտի զարգացման համար:

PAUL-ը հիմնադրվել է 1889 թվականին՝ հիմքում ունենալով ընտանեկան բիզնեսի լավագույն ավանդույթները։ Սկզբնապես գործելով որպես ֆրանսիական հացաբուլկեղենի խանութ, հետագայում այն ընդլայնվել է որպես խանութ, ապա սրճարան-ռեստորան։ Ներկայումս PAUL International-ը ղեկավարում են PAUL-ի հիմնադիր Ֆրանսիս Հոլդերի 4-րդ եւ 5-րդ սերունդները, ովքեր անձամբ հետեւում են ողջ գործընթացին. հացահատիկի ընտրությունից մինչեւ հաճախորդների մատուցում։

PAUL-ը կարեւոր հավելում է հայկական շուկայում` միաժամանակ իր հացաբուլկեղենի, թխվածքների, սուրճի ու ռեստորանային բաղադրիչով: Կարեւոր է ընդգծել, որ PAUL-ը հասանելի բրենդ է եւ գնային քաղաքականությունը կառուցված է այնպես, որ ֆրանսիական որակն ու ապրելակերպը մոտ լինի բոլորին ըստ ցանկության։

4

Ներկայում PAUL Հայաստանի ընտրված գլխավոր շեֆը, հացաբուլկեղենի ու քաղցրավենիքի շեֆերը պատրաստվում են եռամսյա ուսուցման PAUL Ֆրանսիայում, որի ավարտից հետո պատրաստ կլինեն PAUL-ի բացմանը իրենց ֆրանսիացի գործընկերների հետ գոհացնել երեւանյան հաճախորդներին:

«Գալաքսի» ընկերությունների խումբը արդեն մեկ տասնամյակ է, ինչ ներկայացված է հյուրանոցային եւ ռեստորանային ոլորտում, որտեղ ի դեմս իր բրենդների, նորամուծություններ է բերում` փոխելով ու բարելավելով շուկայի կանոնները: «Գալաքսի» ոլորտային պորտֆոլիոյում են ավարտական փուլում գտնվող Courtyard by Marriott հյուրանոցը, Santafe երեւանյան սրճարանը եւ Pahest33 կոնցեպտուալ բար-ռեստորանը: