2019թ. ապրիլին Երեւանում բացվել է «Երեմյան Փրոջեքթս» ընկերության «Խոհարարական արվեստի եւ հյուրընկալության» ակադեմիան: GastroVino-ն հնարավորություն է ունեցել ներկա լինել ակադեմիայի դասերից մի քանիսին եւ պարբերաբար պատմում է դրանց մասին: 

«-Այսօր պահածոյացված լոլիկ ու խավիար եմ պատրաստել։ Հենց սկսեց  եռալ, անջատեցի:

-Ինչո՞ւ։

 -Դե որ վիտամինները պահպանվեն»։

Չեն պահպանվում

Պահածոյացման այս տարբերակը «խայտառակություն» է: 

Այդ բառը ես չեմ ընտրել։ Երեւույթն այսպես է որակում Գարեգին Համբարձումյանը՝ «Խոհարարական արվեստի եւ հյուրընկալության» ակադեմիայում դասախոսություն կարդալու ընթացքում։ Նա Ագրարային համալսարանի սննդամթերքի անվտանգության եւ փորձաքննության անվտանգության ամբիոնի վարիչն է։

6

Գարեգին Համբարձումյանը | Լուսանկարը՝ Մեդիամաքս

Գարեգին Համբարձումյանը բացատրում է, որ քիչ եռալու պարագայում սնունդը պահպանում է սննդային վտանգավոր հարուցիչների մի քանի տեսակ, որոնց անվտանգ կյանքի ու բազմացման համար անհրաժեշտ է.

-Վատ ջերմային մշակում,

-Անօդ տարածություն, 

-5-7 օր։

Խնդիրները հասունանում են ընթացքում

Եթե պահածոն այսօր պատրաստեք, վաղը, կամ էլ երեք օր հետո ուտեք, խնդիրներ չեք ունենա նույնիսկ այն դեպքում, եթե վատ եք եռացրել։ Պահածոյացված մթերքում թույնի զարգացման համար առնվազն 5 օր է անհրաժեշտ։

Հենց այդքան ժամանակ է պետք բոտուլիզմի զարգացման համար։ Օրգանիզմին այն հասնում է միայն սննդի տեսքով, եւ ոչ մի պարագայում չի կարող փոխանցվել շփման ընթացքում։ 

6

Լուսանկարը՝ Մեդիամաքս

Բոտուլիզմը վտանգավոր է գերարագ զարգանալու պատճառով։ Հարուցիչով թունավորվելու դեպքում՝ 4 ժամվա ընթացքում հիվանդանոց չհասնելու դեպքում մահացության հավանականությունը 95 տոկոս է։

Թույնը կայուն չէ

Սննդային հարուցիչը վերանում է +80 աստիճանի պարագայում։ Ջերմաստիճանի ցուցիչի այս սանդղակին տնային պայմաններում, դժվարությամբ, բայց կարելի է հասնել։ Գործարանային պայմաններում այդ ջերմաստիճանը ստանդարտ է։

Լուծումը կանխարգելումն է

Սնունդը հարուցիչներով չախտահարելու համար պետք է.

- մթերքը լվալ մի քանի անգամ,

- հեռացնել վնասված կտորները, 

- բանկան եռացնել առնվազն 30 րոպե։

6

Լուսանկարը՝ Մեդիամաքս

Մարինադի պարագայում օգտագործեք միայն բարձրորակ էսենցիա։ Տվյալ դեպքում պահածոյի անվտանգության հիմքը թթվային կայուն միջավայրն է, որտեղ հարուցիչները չեն գոյատեւում։ Վատ թթվային պայմաններում, որոնք կարող են առաջանալ անորակ էսենցիայի օգտագործման պատճառով, հարուցիչները դանդաղ, բայց զարգանում են։

Կարդացեք նաեւ.

9+3`խոհանոցային պարզ կանոններ մասնագետից

Ճանաչել համը՝ առանց արտաքին ընկալիչների

Տաղանդ + միս + hնեցում = խոհարարական գլուխգործոց

Թեստ 28 հարցից՝ առաջին քայլը մատուցող դառնալու ճանապարհին

Լուսին Մկրտչյան

Լուսանկարները՝ Էմին Արիստակեսյանի