×
Տեղի է ունեցել «Կավիստների ասոցիացիա» ՀԿ-ի պաշտոնական շնորհանդեսը եւ դպրոցի առաջին շրջանավարտների ավարտական արարողությունը։
ՀԿ-ի հիմնական առաքելությունն է՝ բարձրացնել հաճախորդների հետ փոխհարաբերությունների եւ հայկական գինիների ու այլ խմիչքների վաճառքի մշակույթի որակը:
Ավարտական երեկոյի ընթացքում Կավիստների դպրոցի առաջին շրջանավարտները ստացել են իրենց վկայականները եւ դիպլոմները, տեղի է ունեցել տեղական արտադրողների գինու համտես:
Միջոցառումն իրականացվել է «Մասնավոր հատվածի զարգացում եւ մասնագիտական կրթություն եւ ուսուցում Հարավային Կովկասում» ծրագրի աջակցությամբ, որը պատվիրակված է Գերմանիայի Կառավարության կողմից եւ իրականացվում է Գերմանական միջազգային համագործակցության ընկերության (GIZ) կողմից:
Լուսանկարը՝ GIZ
«Կավիստների ասոցիացիան հիմնադրվել է 2022 թվականին` ըմպելիքների մարքեթինգի եւ վաճառքի առաջատար փորձագետների կողմից, ձգտում է համախմբել այս ոլորտի մասնագետներին՝ բարելավելու մարքեթինգի եւ վաճառքի մշակույթը՝ հատուկ ուշադրություն դարձնելով հայկական բարձրորակ արտադրանքի առաջխաղացմանը
Լուսանկարը՝ GIZ
Ասոցիացիան կենտրոնանում է վաճառքի մասնագետներին նոր հմտություններ եւ գիտելիքներ փոխանցելու ուղղությամբ, որոնք անհրաժեշտ են հայկական գինիներն ինչպես ներքին, այնպես էլ միջազգային հարթակներում ներկայացնելու եւ վաճառելու համար»,- ասված է GIZ հաղորդագրության մեջ։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: