×
Օրերս Երեւանում կայացավ ամռան ամենասպասված միջոցառումներից մեկը՝ «Գարեջրի օրերը», որը տարիներ շարունակ միավորում է գարեջրի, լավ երաժշտության եւ համեղ ուտեստների սիրահարներին։
Այս տարի եւս իր յուրահատուկ ներկայությամբ առանձնացավ «Աթենք» մսամթերքի ընկերությունն՝ իր շարժական խոհանոց-տաղավարով, որը միանգամից գրավում էր այցելուների ուշադրությունը։
Զաքյան փողոցի կենտրոնական հատվածում տեղադրված տաղավարը ոչ միայն աչքի էր ընկնում իր հետաքրքիր ու նորարար դիզայնով, այլեւ ստեղծում էր հարմարավետ եւ ջերմ մթնոլորտ։ Այստեղ փառատոնի հյուրերը կանգ էին առնում, վայելում մսամթերքի բազմազան տեսականին եւ բացօթյա երկրորդ հարկից հետեւում փառատոնի ամբողջ ընթացքին։
Ընկերության ներկայացուցիչ Արմեն Մկրտչյանն ասում է.
«Մեր նպատակը միայն համեղ ու բարձրակարգ մսամթերք մատուցելը չէ․ մենք ուզում ենք, որ այցելուները մեր տաղավարում զգան լիարժեք փառատոնային մթնոլորտ՝ հարմարավետություն, ընկերական շփում եւ հաճելի ժամանց։ Այս տարի եւս արձագանքները շատ ոգեւորիչ էին, հատկապես ուրախացրեց այն, որ մեր տաղավարն այցելուների համար կրկին դարձավ բարձրակարգ ու համեղ մսամթերք վայելելու վայր»։
Փառատոնի հյուրերը մեծ հետաքրքրությամբ համտեսում էին «Աթենքի» հոթ-դոգերը, ջերքիները, սնեքերն ու սենդվիչները, որոնք կատարյալ կերպով համադրվում էին գարեջրի հետ։ Շատերը նշում էին, որ հենց այս անկյունում են առավել լիարժեք զգացել փառատոնի «համն» ու տրամադրությունը։
Այս տարի «Աթենքի» տաղավարը դարձավ փառատոնի գլխավոր համային կենտրոններից մեկը։ Այն առանձնանում էր ոչ միայն առաջարկած մսամթերքի բազմազանությամբ ու որակով, այլեւ իր շուրջն ստեղծած յուրահատուկ մթնոլորտով։ Փառատոնի ամբողջ տարածքում հենց այստեղ էր ամենաշատ աշխուժությունը, ինչը եւս մեկ անգամ հաստատեց, որ «Աթենք» մսամթերքը դարձել է նման միջոցառումների անբաժան մասնիկը։
Ընկերությունից վստահեցնում են, որ նորարարական լուծումները շարունակական են լինելու։
«Մեզ համար ամենակարեւորը պարզապես համեղ մսամթերք մատուցելը չէ։ Մենք ուզում ենք, որ մարդիկ մեզանից ստանան էներգիա, դրական տրամադրություն եւ մի բան, որը միշտ տարբերվում է սովորականից»,- նշել է Արմեն Մկրտչյանը։
Ընկերությունից խոստանում են.
«Շուտով նորից կհանդիպենք քաղաքում անցկացվող հայտնի միջոցառումների ժամանակ․«Աթենքը» սիրով եւ բաց սրտով սպասում է բոլորին»։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: