The Wendy's Company-ն հայաստանյան Wen Restaurant ընկերության հետ բացառիկ ֆրանչայզինգային համաձայնագիր է կնքել՝ մինչեւ 2030 թվականը Հայաստանում 20 Wendy's ռեստորան բացելու մասին:

Սպասվում է որ առաջին հայկական Wendy's-ը կբացվի Երևանի կենտրոնում:

«Wendy's-ի գործարկումը Հայաստանում համարձակ քայլ է մեր երկրում արագ սպասարկման ռեստորանային փորձը վերասահմանելու գործում: Մենք բերում ենք թարմ տեսլական՝ որակի, նորարարության և ժամանակակից հյուրընկալության վրա հիմնված: Հպարտ ենք ներկայացնել Wendy's-ի հայտնի ճաշատեսակները հայ սպառողներին»,- ասել է Wen Restaurant ընկերության գլխավոր գործադիր տնօրեն Հրանտ Գրիգորյանը:

1969 թվականին հիմնադրված The Wendy's Company-ն աշխարհում ավելի քան 7 000 ռեստորան ունի: