Հայաստանի 10 մարզի յուրօրինակ գաստրո վայրերը եւ խոհանոցային առանձնահատկությունները կներկայացվեն Երեւանում կայանալիք բացօթյա ցուցահանդեսի ժամանակ:

Զբոսաշրջության կոմիտեից հայտնում են, որ «Ճանաչիր Հայաստանը» կարգախոսի ներքո ցուցահանդեսը կկազմակերպվի մայիսի 27 եւ 28-ին՝ Խաչքարերի պուրակում (մետրոյի «Հանրապետության հրապարակ» կանգառի հարեւանությամբ):

Հատուկ գաստրո տաղավարում մարզերից եւ Երեւանից հրավիրված շեֆ խոհարարների մասնակցությամբ տեղում կցուցադրվեն յուրահատուկ կերակրատեսակների պատրաստման եղանակները։

Համավարակով պայմանավորված՝ հյուրասիրություն չի նախատեսվում, նշում են կազմակերպիչները:

Ցուցահանդեսի բացումը կկայանա մայիսի 27-ին, ժամը՝ 14:30-ին: