Մայիսի 21-ին «Նոյյան տապանը»՝ Մոսկվայի ամենահին հայկական ռեստորանը,  կբացի ամառային սեզոնը նոր տեռասում:

«Առաջին անգամ Մոսկվայի հին բակում` Փոքր Իվանովսկի եւ Պոդկոպաեւսկի նրբանցքների միջեւ, կբացվի ընդարձակ ամառային բացօթյա ռեստորան», - ասվում է ռեստորանի հաղորդագրության մեջ:

Մայիսի 21-ին՝ տեռասի բացման առիթով, «Նոյյան տապանը» կանցկացնի առաջին մեծ ամառային երեկույթը: Տոնի հատուկ հյուրը կլինի երգչուհի Լիլիթ Հարությունյանը, որը շատերին հայտնի է «Ձայն -2» հաղորդումից:

Ռեստորանի նոր բրենդ-շեֆ Սերգեյ Նավասարտովը պտուտակի վրա պատրաստելու է ուլիկ՝ համեմված հայկական համեմունքներով, լեռնային խոտաբույսերով ու գինով:

Նոր մենյուում Սերգեյ Նավասարտովը հանդես է գալիս ազգային խոհանոցի ժամանակակից ընթերցմամբ.

- չի քյուֆթա՝ խաղողի տերեւներով;

- բուրատա ժենգյալով հացի վրա;

- կրակի վրա պատրաստված տավարի փափկամիս `չամանով;

- թաժինի մեջ մարմանդաեփ քյուֆթա;

- պաղպաղակ՝ փախլավայից;

- պաննա կոտա մածունով՝ թարխունով ու ընկույզի մուրաբայով եւ այլն:

«Նոյյան տապանի» նոր տեռասի հիթը խոստանում է դառնալ Ararat Spritz կոկտեյլը։