×

Լուսանկարը՝ The New York Times

Նյու Յորքում կփակվի 50 000 ռեստորան

ԱՄՆ երկու խոշորագույն քաղաքների՝ Նյու Յորքի եւ Լոս Անջելեսի քաղաքապետերը հայտնել են, որ հանձնարարել են ռեստորաններին, բարերին, թատրոններին եւ կինոթատրոններին դադարեցնել աշխատանքը՝ կորոնավիրուսի տարածումը կանխելու նպատակով:

Նյու Յորքի քաղաքապետ Բիլ դե Բլասիոն ասել է, որ քաղաքի ռեստորանները կարող են սնունդ վաճառել միայն առաքման ծառայությունների կամ հաճախորդների կողմից դուրս տանելու միջոցով:

Նա նշել է, որ նման որոշում կայացնելը հեշտ չէր.

«Այդ վայրերը մեր քաղաքի սրտի եւ հոգու մասն են, բայց մեր քաղաքը կանգնած է աննախադեպ վտանգի առջեւ, եւ մենք պետք է համարժեք արձագանք ապահովենք»:

Բիլ դե Բլասիոն չի հստակեցրել, թե որքան ժամանակ ռեստորանները պետք է փակ մնան: Լոս Անջելեսի քաղաքապետ Էրիկ Գարսետին ասել է, որ ռեստորանները, բարերը, թատրոններն եւ կինոթատրոնները փակ կմնան առնվազն մինչեւ մարտի 31-ը:

Սպասվում է, որ Նյու Յորքում կփակվի 50 000 ռեստորան: ԱՄՆ Ռեստորանային ազգային ասոցիացիայի տվյալներով, դրանց տարեկան հասույթը կազմում է 51 միլիարդ դոլար, իսկ աշխատակիցների քանակը 800 000 է:

Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Կարդալ ավելին