Ռուսական РБК պորտալն անդրադարձել է Հայաստանին։ Ուր գնալ-ինչ տեսնել հարցերին ամենայն մանրամասնությամբ պատասխանած հոդվածագիր Քսենիա Գաշոն առանձնացրել է նաեւ Երեւանի ռեստորաններից մի քանիսը:

Դոլմամա

««Dolmama» –ն ռեստորան-ատրակցիոն է, Երեւանի ամենահին ու հայտնի վայրերից մեկը։ Ռեստորանում հյուրընկալում են բարձրաստիճան հյուրերին եւ այստեղ արժե գոնե մեկ անգամ ընթրել։

6

Դոլմամայի ճաշացանկից | Լուսանկարը՝ Դոլմամա

Սպասարկումը գրեթե անթերի է. մատուցողներն այստեղ ավելի լուրջ են, քան մյուս ռեստորաններում։ Հայկական դասական ուտեստներից բացի ճաշացանկում կան նաեւ ազգային խոհանոցի հեղինակային վերաիմաստավորումներ»։

Պանդոկ Երեւան Գետափին

««Tavern Yerevan Riverside»-ը՝ «Պանդոկ Երեւան» ցանցի ամենալավ ռեստորանն է։ Այն գտնվում է Հրազդան գետի ափին եւ այստեղ ավելի լավ է հասնել տաքսիով։

6

Պանդոկ Երեւան Գետափին ռեստորանում | Լուսանկարը՝ Պանդոկ Երեւան Գետափին

Ճաշացանկում հավուր պատշաճի ներկայացված է ազգային խոհանոցը, տեղական գինու շատ մեծ տեսականի կա։ Ռեստորանի տարածքում տեղակայված մառանում կարող եք ծանոթանալ խաղողի տարբեր տեսակներին ու համտեսել տեղական գինիներ»։

Ոստան

««Vostan»-ը գեղեցիկ ռեստորան՝ քաղաքի ամենալավ ամառային վերանդաներից մեկով։ Ուտեստները դասական հայկական են, գինիների մեծ տեսականի կա, սպասարկումն էր շատ հաճելի է։ Երեկոյան ժամերին կենդանի երաժշտություն է հնչում»։

6

Ոստան ռեստորանի ճաշացանկից | Լուսանկարը՝ Ոստան

Աբովյան 12

««Abovyan 12»-ը հայկական դասական ճաշացանկով նոստալգիկ բակ է, որի մուտքը, ինչպես հայտնի ֆիլմում՝ հուշանվերների խանութի միջով է»։

Մայրիկ
 
««Mayrig»-ը պատմություն եւ առանձնացող խոհանոց ունի։ Այս անունը կրող առաջին ռեստորանը բացվել է Բեյրութում 15 տարի առաջ։ 2018-ի վերջում «Mayrig»-ը վերջապես բացվեց նաեւ Երեւանում։

6

«Mayrig» ռեստորանի ֆիշնա քյուֆթան | Լուսանկարը՝ «Mayrig»

Անպայման համտեսեք հայկական մանթին, վայրի բալով քաբաբը (ռեստորանի ճաշացանկում ուտեստը կրում է ֆիշնա քյուֆթա անվանումը-GastroVino) եւ թաբուլեն, որը մատուցվում է կաղամբի թփով։ Ռեստորանում շատ էլեգանտ մթնոլորտ է եւ հրաշալի երաժշտություն»։

Wine Republic, Asador, Thaiwine Republic

Հեղինակը նշում է, որ Երեւանում հայկական խոհանոցի այլընտրանք էլ կարելի է գտնել: Մասնավորապես, «քաղաքում ժողովրդականություն է վայելում միջերկրական խոհանոցով գինու ռեստորանների ձեւաչափը»։

«Նման վայրերից են երեւանցիների կողմից շատ սիրված «Wine Republic»-ը, որտեղ կարելի է պաստա, սթեյք ու ծովամթերք ուտել, եւ «Asador»-ը (սթեյքեր, թարմ ձուկ ու ծովամթերք)։

6

Asador ռեստորանում | Լուսանկարը՝ Asador

Այս ցանցի մեկ այլ՝ «Thaiwine Republic» ռեստորանն ասիական խոհանոց է առաջարկում։ Հատկապես լավն են պեկինյան բադն ու դիմսամները»։

Smoking Chef Grill & Wine

«Smoking Chef Grill & Wine»-ը միակ վայրն է, որտեղ չոր հնացված միս են մատուցում։ Միանշանակ, այստեղ քաղաքի լավագույն սթեյքերն են, հրաշալի ընտրված գինու տեսականի, շքեղ դեսերտներ եւ շատ հաճելի մթնոլորտ»։

6

Smoking Chef Grill & Wine-ի ճաշացանկից | Լուսանկարը՝ Smoking Chef Grill & Wine