ARARAT թանգարանն արժանացել է աշխարհի խոշորագույն զբոսաշրջային հարթակներից Tripadvisor-ի Travelers’ Choice կոչմանը։ 

Travelers’ Choice անվանակարգը ձեւավորվում է համապարփակ վերլուծությունների արդյունքում, այդ թվում՝ այցելուների կարծիքների հիման վրա եւ ներառում է Tripadvisor համաշխարհային հարթակում տեղ գտած տուրիստական վայրերի ընդամենը 10%-ը։ 

ARARAT թանգարանը արդեն երկրորդ անգամ է արժանանում Travelers’ Choice կոչմանը: 

«Travelers’ Choice ոչ միայն հերթական մրցանակն է, այլեւ կարեւոր խորհրդանիշ, որ մեր աշխատանքն իսկապես արձագանքում է այցելուների սրտերում։ Ուրախ ենք, որ ARARAT-ի այս հաջողությունն էապես կնպաստի Հայաստանի մշակույթի եւ ավանդույթների տեսանելիության բարձրացմանն այս խոշորագույն հարթակում», - նշում է ARARAT թանգարանի ղեկավար Առնո Թադեւոսյանը։