2025 թվականի առաջին չորս ամիսներին Վրաստանը արտահանել է 23.9 միլիոն լիտր գինի, ինչը 46.8%-ով պակաս է 2024 թվականի նույն ժամանակահատվածի համեմատ։

Ինչպես հաղորդում է «Նովոստի-Գրուզիայի»-ն՝ 2025 թվականի հունվար-ապրիլին վրացական գինու արտահանումից հասույթը կազմել է $71,9 միլիոն՝ 43,2%-ով պակաս, քան նախորդ տարվա նույն ժամանակահատվածում։ Արդյունքում Վրաստանի ընդհանուր արտահանման մեջ գինու մասնաբաժինը 7.2%-ից նվազել է մինչև 3.6%։

Հիմնական անկումը գրանցվել է Ռուսաստանում, որը վրացական գինու ամենամեծ շուկան է։ Մասնագետները դա բացատրում են Ռուսաստանում պրոտեկցիոնիստական միջոցառումների կիրառմանբ։

Միաժամանակ, աճել է վրացական գինու արտահանումը ԵՄ երկրներ։ Հունվար-ապրիլին ԵՄ է արտահանվել 4 միլիոն լիտր գինի՝ $12.2 միլիոն դոլար արժողությամբ, ինչը 19.9%-ով ավելի է, քան 2024 թվականի նույն ժամանակահատվածում։

Վրացական գինու համար եվրոպական ամենամեծ շուկաներ են մնում Լեհաստանը, Գերմանիան եւ Լատվիան։