Մայիսի 17-ին Երեւանի կոնյակի գործարանի ARARAT թանգարանը կմիանա  «Թանգարանների գիշեր» միջազգային նախաձեռնությանը՝ այցելուները կկարողանան 18։00-ից մինչ կեսգիշեր անվճար այցելել թանգարան։

Այցելուները կբացահայտեն հայկական կոնյակագործական ժառանգությունը եւ վարպետության ավանդույթները, ինչպես նաեւ կծանոթանան ARARAT կոնյակի  ժամանակակից եզրերին։

Այդ օրը ARARAT-ը նաեւ կմեկնարկի իր նոր նախաձեռնությունը՝ հարգանքի տուրք մատուցելով մայրաքաղաքին եւ այն անկեղծ սիրողներին։ ARARAT-ի այս նախաձեռնությունը նաեւ հիանալի հնարավորություն կլինի մայրաքաղաքի հյուրերի համար՝ բացահայտելու հին քաղաքի նոր կողմերը։

Մայիսի 17-ին ժամանակավոր ցուցադրությունների սրահում կմեկնարկի «Քաղաքն արձագանքում է ARARAT թանգարանում» ցուցադրությունը, որտեղ թանգարանը լրագրող եւ գրող Մարկ Գրիգորյանի հետ համատեղ  կներկայացնի մայրաքաղաքի պատմական կրկնօրինակ-քարտեզները «Երեւանը 17-21-րդ դդ քարտեզներում» գրքից։  

Միջոցառման շրջանակներում ARARAT թանգարանի խանութում կգործեն հատուկ զեղչեր։