×
Տարիներ ի վեր հավատարիմ մնալով Պատասխանատու հյուրընկալության հայեցակարգին, ինչպես նաև ներդնելով հարցին վերաբերող առաջադեմ լուծումներ՝ Երևանի կոնյակի գործարանի ARARAT թանգարանը ոլորտը ներկայացնող առաջին թանգարանն է Հայաստանում, որը հավատարմագրվել և ստացել է «Պատասխանատու հյուրընկալող» կարգավիճակը։ Հարկ է նշել, որ համաշխարհային մակարդակով այս հավաստագրի առայժմ արժանացել են ոլորտը ներկայացնող եզակի թանգարաններ։
Պեռնո Ռիկար ընկերության կողմից համակարգվող այս նախաձեռնությունը նպատակ ունի ներկայացնել ալկոհոլի պատասխանատու մատուցման բոլոր եզրերը՝ երաշխավորելով թանգարանը որպես անվտանգ վայելքի տարածք։
Լուսանկարը՝ ARARAT
«Պատասխանատու հյուրընկալող» հավատարմագրին արժանանալու համար ARARAT թանգարանն անցել է երկփուլ աուդիտ միջազգային կազմակերպության կողմից, որը ներառում էր նաև գաղտնի հսկիչ այցելություններ, որոնք նպատակ ունեին բացահայտելու ARARAT թանգարանում ներդրված Պատասխանատու հյուրընկալությանը վերաբերող գործիքակազմը։
«Ամփոփելով տարիների ընթացքում մեր հետևողական քայլերն այս ոլորտում՝ մեզ համար շատ կարևոր է ընդգծել, որ ARARAT թանգարանը ոչ միայն այն վայրն է, որտեղ կարող եք բացահայտել հայկական կոնյակի բացառիկ պատմությունը, նրա ժամանակակից եզրերն ու սերնդեսերունդ փոխանցվող վարպետությունը, այլև այն վայրն է, որը հոգ է տանում իր այցելուներից յուրաքանչյուրի համար՝ նրան ներկայացնելով և մասնակից դարձնելով պատասխանատու սպառման գաղափարին»,- ընդգծել է ARARAT թանգարանի ղեկավար Առնո Թադևոսյանը։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: