The New York Times թերթի գինու մեկնաբան Էրիկ Ասիմովը հրապարակել է 10 խաղողների ցանկը, որոնք «արժե ավելի լավ իմանալ»:

Ցանկում նա ներառել է հայկական Արենին, որի մասին գրել է.

«Ուզում եմ առանձնացնել Հայաստանի Արենին՝ կարմիր խաղողը, որից պատրաստված գինին փորձել եմ ընդամենը մի քանի անգամ, բայց ամեն անգամ այն ապշեցուցիչ լավն էր՝ թեթև թանինային, բայց թարմ՝ կարմիր մրգերի քարքարոտ համերով եւ հիանալի նրբագեղությամբ: Անհամբեր սպասում եմ մեր հաջորդ հանդիպմանը»:

Էրիկ Ասիմովը ցանկում ներառել է նաեւ Altesse-ն (Ֆրանսիա), Baga-ն (Պորտուգալիա), Bobal-ը (Կատալոնիա, Իսպանիա), Brachetto-ն (Իտալիա), Fer Servadou-ն (Ֆրանսիա), Frontenac-ը (Ֆրանսիա), Mandilaria-ն (Հունաստան), Pecorino-ն (Իտալիա), Trebbiano d’Abruzzese-ն (Իտալիա):