2021 թվականին Վրաստանը 107 միլիոն շիշ գինի է արտահանել 62 երկիր, ինչը ռեկորդային ցուցանիշ է երկրի պատմության մեջ, ասել է վարչապետ Իրակլի Ղարիբաշվիլին։

«2012 թվականի համեմատ գինու արտահանումն աճել է 360 տոկոսով։ 2012 թվականին գինու արտահանումից ստացված գումարը կազմել էր 71 մլն դոլար, իսկ անցյալ տարի՝ 250 մլն դոլար։ Դա ռեկորդային ցուցանիշ է»,- ասել է Վրաստանի վարչապետը կառավարության նիստում։

Վրացական գինու ներկրողների թվում առաջին տեղում Ռուսաստանն է, որտեղ արտահանվել է ավելի քան 62 մլն շիշ գինի՝ արտահանման ընդհանուր ծավալի 57%-ը։