×
Այսօր ՀՀ վարչապետ Նիկոլ Փաշինյանի գլխավորությամբ կայացած խորհրդակցության ընթացքում քննարկվել են հայկական գինու արտադրությանը, արտահանմանը, վաճառքի ծավալների խթանման հնարավորություններին եւ մեխանիզմներին վերաբերող հարցեր:
Մանրամասներ են ներկայացվել նաեւ հայկական գինիների աշխարհագրական մակնշման ընթացքի մասին, հաղորդում է վարչապետի մամուլի ծառայությունը:
Էկոնոմիկայի նախարար Վահան Քերոբյանը ներկայացրել է գինու արտադրության զարգացումը խթանելու վերաբերյալ կատարված ուսումնասիրության արդյունքները: Նախարարն անդրադարձել է նաեւ գինու համաշխարհային եւ հայաստանյան շուկաների վիճակագրությանը եւ միտումներին:
«Նիկոլ Փաշինյանը կարեւորել է գյուղատնտեսության տարբեր ճյուղերի զարգացման ռազմավարությունների, ծրագրերի փոխգործելիությունը եւ ինտեգրումը Կառավարության գործունեության միջոցառումների ծրագրում: Նա հանձնարարել է Հայաստանի խաղողագործության եւ գինեգործության հիմնադրամի հարթակում ոլորտի ներկայացուցիչների հետ քննարկել համատեղ անելիքները՝ հաշվի առնելով խորհրդակցության արդյունքները», - ասված է հաղորդագրության մեջ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: