Մարտի սկզբին Երեւանի կոնյակի գործարանը ներկայացրեց ARARAT Coffee խմիչքը, որը միավորում է սուրճի եւ կոնյակի վառ համերը: Բարմենների հայկական ասոցիացիան արդեն իսկ ստեղծել է նոր խմիչքի հիմքով մոտ 20 կոկտեյլներ, որոնք ներկայացվել են բարմեններին վարպետության դասի ընթացքում:

5

Լուսանկարը՝ Բարմենների հայկական ասոցիացիա

«Իմ կարծիքով՝ ARARAT Coffee-ն հիմնականում հենց կոկտեյլների համար ստեղծված խմիչք է, որովհետեւ շատ հետաքրքիր ու տարատեսակ կոկտեյլներ են ստացվում դրանով: Իհարկե, այն կարելի է խմել նաեւ մաքուր տեսքով: Որպես մատուցման լավագույն ձեւ՝ մենք առաջարկում ենք ARARAT Coffee-ն խմել սառեցրած բաժակով, կամ պարզապես սառեցրած վիճակում՝ համադրելով After Eight անանուխի համով սեւ շոկոլադով»,- GastroVino-ի հետ զրույցում պատմել է Բարմենների հայկական ասոցիացիայի նախագահ Տիգրան Ավետիսյանը:

5

Լուսանկարը՝ Բարմենների հայկական ասոցիացիա

Նա հավելել է, որ Ասոցիացիայի եւ Երեւանի կոնյակի գործարանի նախաձեռնած բարմենների վարպետության դասի ընթացքում ներկայացվել են 8 նոր կոկտեյլներ:

5

Լուսանկարը՝ Բարմենների հայկական ասոցիացիա

Ներկայացնում ենք դրանցից մի քանիսն իրենց բաղադրիչներով.

Kofe Kentron կամ Armenian Coffee - Ararat Coffee, շաքարի օշարակ, էսպրեսո, թարմ հարած սերուցք

Ararat Cherry Manhattan - Ararat Coffee, Byrrh, բալի բիթեր, մարասչինո կոկտեյլի բալ, նարնջի կեղեւ

Coffee Spritz No2 - Ararat Coffee, Suze, թանթրվենու օշարակ, թարմ քամած կիտրոնի հյութ, միջերկրածովյան տոնիկ, կիտրոնախոտ, վարունգի շերտ

Double Black - Ararat Coffee, Guinness գարեջուր, մշկընկույզ

Վարպետաց դասն անցկացրել են Բարմենների հայկական ասոցիացիայի անդամներ Ստեփան Աբրահամյանը եւ Ռաֆիկ Սարգսյանը:

5

Լուսանկարը՝ Բարմենների հայկական ասոցիացիա

«Համավարակի պատճառով նմանատիպ միջոցառումներ չէինք իրականացրել ավելի քան մեկ տարի: Կարծում եմ՝ դրանք շատ կարեւոր են ամբողջ ոլորտի զարգացման համար»,- ընդգծել է Տիգրան Ավետիսյանը:

Գայանե Ենոքյան