×

Լուսանկարը՝ ONEArmenia

Հայկական խաղողի լայնածավալ գենոմային ուսումնասիրություն կիրականացվի

Մոլեկուլային կենսաբանության ինստիտուտի ավագ գիտաշխատող, Բույսերի գենետիկայի եւ իմունաբանության խմբի ղեկավար Քրիստինե Մարգարյանը Հայաստանի խաղողի գենետիկական ռեսուրսների համապարփակ եւ լայնածավալ ուսումնասիրություն կիրականացնի՝ գենոմային մակարդակում:

Գերմանական Bundesministerium für Bildung und Forschung (BMBF) կողմից ֆինանսավորվող եռամյա գիտահետազոտական «SaveGrape» նախագիծն իրականացվելու է Գերմանիայի Julius Kühn-Institut (JKI) Federal Research Centre for Cultivated Plants, Institute for Grapevine Breeding-ի հետ համատեղ:

Նախագծի հիմնական նպատակն է վտանգված եւ անհետացող սորտերի եւ վայրի բուսատեսակների հայտնաբերումն ու պահպանումը Հայաստանի Խաղողի ազգային կոլեկցիոն այգում, ինչպես նաեւ ուսումնասիրված սորտերի սելեկցիոն ներուժի բացահայտումը:

Ուսումնասիրված սորտերը կանձնագրավորվեն, կհիմնադրվի նաեւ խաղողի մոդելային մինի-կոլեկցիոն այգի՝ ըստ միջազգային ստանդարտների, որը կնպաստի ինչպես գիտական, այնպես էլ կրթական ծրագրերի զարգացմանը:

Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:


Կարդալ ավելին