Հոկտեմբերի 3-ին Դիլիջանում գինու տոն է լինելու։ Այս մասին հայտարարել են Արենի Գինու Փառատոնի կազմակերպիչները։ Նրանք նշել են, որ 13։00-ից մինչեւ 20։00-ն Դիլիջանի Քաղաքային զբոսայգում «իսկական գինովցած տոն է սպասվում»։

«Ցավոք, 2020 թվականի Արենի գինու փառատոնը Արենի գյուղում չեղարկվել է՝ պայմանավորված համայնքում առկա համաճարակային սրացումներով։ Արենի գյուղում գինու փառատոնը տեղի կունենա 2021-ին։

Սակայն գինու տոների ու փառատոնների մեր շքերթը չի ընդհատվում, քանի որ հոկտեմբերի 3-ին Դիլիջան քաղաքի 476 ամյակի առթիվ Գինու Տոնը հյուրընկալվում է Դիլիջան։ Զինվեք լավ տրամադրությամբ և սպասեք հրաշալի անակնկալների»,- ասված է հաղորդագրության մեջ։