Օգոստոսի 9-ից 10-ը Հայաստանի Խաղողագործության եւ գինեգործության հիմնադրամը (ՀԽԳՀ) հայկական 9 գինեգործական ընկերությունների գինու 55 տեսակ կներկայացնի Գերմանիայի Weinsommer գինու փառատոնում:

Weinsommer կազմակերպում է Lerch Wein & Co ընկերությունը, որը հնարավորություն է տալիս տարբեր երկրների գինեգործական ընկերություններին ներկայացնել իրենց արտադրանքը գինեսերներին, գինու մասնագետներին, HoReCa հատվածի ներկայացուցիչներին եւ գինու պոտենցիալ սպառողներին՝ Հարավային Գերմանիայից, Շվեյցարիայից եւ Ավստրիայից։

Weinsommer 2019-ի հատուկ հյուրն է Հայաստանն։ Ըստ կազմակերպիչների, երկրի ընտրությունն արվել է՝ հաշվի առնելով Հայաստանի հարուստ գինեգործական պատմությունն ու ավանդույթները եւ հայկական գինիների յուրահատուկ համահոտային հատկանիշները։