Հուլիսի 13-ին Զաքյան փողոցում տոնախմբություն էր. քաղաքի բնակիչները եւ զբոսաշրջիկները հավաքվել էին ճաշակելու հայկական եւ միջազգային խոհանոցի ուտեստները ու համտեսելու ներկայացված խմիչքների տեսականին:

8

«Երեւանի Գաստրո օր» միջոցառմանը մասնակցում էր նաեւ ARARAT լեգենդար հայկական կոնյակը, որը ներկայացված էր Հայաստանի երկու խորհրդանիշները՝ ARARAT-ը եւ ծիրանը  մարմնավորող իր նորարարական արտադրանքով:

8

ARARAT Apricot-ի վառ գունային եւ ոճային լուծումներով ձեւավորված տաղավարը միջոցառման ամենամարդաշատ վայրերից մեկն էր:

8

ARARAT-ի հատուկ բարի մոտ այցելուներին առաջարկվեցին ARARAT Apricot-ի հիմքով պատրաստված կոկտեյլներ, ինչպես նաեւ խմիչքը մաքուր մատուցմամբ, որը նրանք հնարավորություն ունեցան վայելելու հարմարավետ հանգստի գոտում:



«Երեւանի Գաստրո օր» միջոցառումն անց էր կացվում «ոչ պլաստիկին» կարգախոսի ներքո եւ նպատակ ուներ նպաստելու Հայաստանում պատասխանատու տուրիզմի զարգացմանը: Բնությանը պահպանմանն ուղղված եւ նրան վնաս չհասցնող միջոցառումներ անցկացնելու գաղափարախոսությունը չափազանց մոտ է ARARAT ապրանքանիշի վարած քաղաքականությանը:

8

Դեռ 2018-ի սկզբին Երեւանի կոնյակի գործարանը հայտարարել էր իր գործունեության ցանկացած բնագավառում, այդ թվում միջոցառումների ժամանակ, կենսաբանորեն չքայքայվող կոկտեյլային պլաստիկ ձողիկներ եւ խառնիչներ չկիրառելու որոշման մասին: «Երեւանի Գաստրո օր» նախաձեռնությունը եւս բացառություն չէր. միջոցառման ընթացքում օգտագործվել են բացառապես թղթից պատրաստված բաժակներ եւ ձողիկներ:

Տեքստը եւ լուսանկարները՝ ԱՐԱՐԱՏ