Փարիզի Հաղթական կամարի հարեւանությամբ գտնվող Maison Rostang ռեստորանի մառանից գողացել են առնվազն 150 շիշ կոլեկցիոն գինի:

Ռեստորանի կրած վնասը գնահատվում է 400-ից 600 հազար եվրո, հաղորդում է «Գարդիանը»:

Հուլիսի 1-ին ռեստորանի աշխատակիցները մառանի պատում հայտնաբերել են 50 սանտիմետրանոց անցք, որի միջոցով էլ կատարվել է գողությունը:

Maison Rostang ռեստորանը երկու Michelin աստղ ունի եւ հայտնի է իր հարուստ գինու մառանով, որը ներառում էր Petrus եւ Romanee-Conti գինետների արտադրանքը: