41-ամյա ֆուտբոլի գերաստղ Կրիշտիանու Ռոնալդոուի համար նախաճաշը կարեւոր դեր ունի հատկապես լավ մարզավիճակը պահպանելու գործում։ Ռոնալդոուն միշտ է աչքի ընկել բարձր կարգապահությամբ, իսկ հիմա, երբ արդեն վետերան է համարվում, էլ ավելի բծախնդիր է դարձել:

Ռոնալդույի ամենասիրելի նախաճաշը ամբողջահատիկ հացով տոստն է՝ թարմ ավոկադոյով, որը սննդաբանների պնդմամբ տրամադրում է օգտակար ճարպեր եւ էներգիա: 

Ֆուտբոլիստը նախաճաշին հաճախ ուտում է թեթեւ խաշված ձու, խոզապուխտ, պանիր եւ ցածր յուղայնությամբ յոգուրտ։ 

Նրա նախաճաշի սեղանին հաճախ կտեսեք նաեւ մրգային կամ բանջարեղենային սմուզիներ եւ մրգեր՝ պապայա, անանաս, հատապտուղներ կամ նարինջ։

Ռոնալդոն ուտում է քիչ, բայց օրվա ընթացքում վեց անգամ՝ յուրաքանչյուր 3-4 ժամը մեկ։

Իր հարցազրույցներից մեկում նա ասել է. «Կանոնավոր սնվեք՝ դա կարեւոր է էներգիայի բարձր մակարդակը պահպանելու համար, որպեսզի ձեր մարմինը կարողանա ավելի լավ արդյունքների հասնել»։