«Բոլոր լավ բաները պետք է ավարտվեն». այսպես է Epicure բար-ռեստորանը հայտնել իր փակվելու մասին։

8 տարի Պուշկինի 40 հասցեում գտնվող Epicure-ը հրաժեշտի երեկոն իր հյուրերի եւ արդեն ընկեր դարձած այցելուների հետ անցկացրել է 2025թ. հունվարի 5-ին։

Epicure-ի թիմն իր ֆեյսբուքյան էջում շնորհակալություն է հայտնել բոլոր նրանց, ովքեր մասնակցել են իրենց այս տարիների ճանապարհորդությանն ու միասին պատմություն ստեղծել։

Միաժամանակ բար-ռեստորանը իր այցելուներին խոստացել է վերադառնալ.  

«Սա ավարտ չէ, այլ հաջորդ գլխի սկիզբն է, որտեղ էլ որ այն տանի։

Կտեսնվենք ավելի ուշ։ Շնորհակալություն՝ մեր պատմության մի մասը լինելու համար»,- գրված է Epicure-ի ֆեյսբուքյան էջում։