×

Լուսանկարը՝ Մեդիամաքս Մհեր Թադեւոսյանը եւ Դիանա Խոպշանոսովան

TadDin. Հայաստանում արտադրվող միակ արհեստագործական շոկոլադը

Կա շոկոլադի արտադրության երկու տեխնոլոգիա՝  արդյունաբերական եւ արհեստագործական։ Սպառողների 90 տոկոսը ծանոթ է արդյունաբերական շոկոլադի արտադրանքին՝ արհեստագործականը քիչ է եւ թանկ։ GastroVino-ն զրուցել է Հայաստանի միակ արհեստագործական շոկոլադ արտադրող TadDin Chocolatier ընկերության հիմնադիր-շոկոլադագործներ Մհեր Թադեւոսյանի եւ Դիանա Խոպշանոսովայի հետ։

Մհեր Թադեւոսյանը մասնագիտությամբ տեխնոլոգ է, իսկ Դիանան՝ ճարտարապետ, նրանք հարեւաններ են, ընկերներ եւ արդեն 6 տարի՝ գործընկերներ։

Արդյունաբերականը արհեստագործական շոկոլադից տարբերվում է պատրաստման տեխնոլոգիայով։ TadDin արհեստագործական շոկոլադները պատրաստվում են Bean-to-bar տեխնոլոգիայով։ Ամեն ինչ սկսվում է կակաոյի հատիկների ընտրությունից եւ բովումից եւ ավարտվում պատրաստի արտադրանքի փաթեթավորմամբ: Արտադրվող շոկոլադը կակաո ունդերից է եւ առանց լեցիտին շաքարի։

Լուսանկարը՝ Մեդիամաքս


TadDin Chocolatier ընկերությունը միակն է Հայաստանում, որն առաջարկում է արհեստագործական շոկոլադներ։ Ամբողջ տեսականին՝ ավելի քան 130 տեսակ, պատրաստված է ձեռքով։

Լուսանկարը՝ Մեդիամաքս


Աշխարհում կա ընդամենը մի քանի երկիր, որտեղ արհեստագործական շոկոլադ են արտադրում։ Հայաստանում առաջինն ու դեռ միակը մեր ընկերությունն է։ Շոկոլադի արհեստանոցը Նոր-Նորքում է։ Փոքրիկ արտադրամասն ամսական արտադրում է մինչեւ 500 կգ շոկոլադ։

Լուսանկարը՝ Մեդիամաքս


Շոկոլադի հումքը ներկրվում է Կոլումբիայից, Էկվադորից, Մադագասկարից։

Լուսանկարը՝ Մեդիամաքս


Բրենդը պատահական է ստեղծվել։ Հինգ տարի առաջ մեր ընկերներից մեկը մեզ հարցրեց՝ Հայաստանում կա՞ առանց լեցիտինի շոկոլադ։ Մհերի հետ սկսեցինք փնտրել ու պարզեցինք, որ չկա։ Որոնումների արդյունքում սկսեցինք հետաքրքրվել շոկոլադների արտադրությամբ։ Ավելի ուշ Մհերը նախաձեռնեց այս բիզնեսը։

Լուսանկարը՝ Մեդիամաքս


Արհեստագործական շոկոլադի համը կախված է կակաոյի ունդերից, հետեւաբար, կակաոյի ծառերի տեղակայմամբ էլ պայմանավորված է վերջնական արտադրանքի համը:

Այս տեսակի շոկոլադի պատրաստման ընթացքում չեն օգտագործվում համի կայունացուցիչներ, արհեստական բուրավետիչներ, գունանյութեր եւ էմուլգատորներ։ Արտադրության ողջ պրոցեսն իրականացվում է ձեռքով։

Լուսանկարը՝ Մեդիամաքս Դիանա Խոպշանոսովան


Այս շոկոլադների համի մեծագույն գաղտնիքը՝ 19-րդ դարից մինչեւ այսօր, կակաոյի ունդերի ճիշտ բովումն է։ Արհեստագործներն այն բովում են բարձր ջերմաստիճանով, որի ընթացքում այրվում են եթերային յուղերը, թուլանում է ֆորաստերոյի բույրը։ Այս ամբողջ գործընթացի ժամանակ շատ կարեւոր է պահպանել ունդերի բնական համը, հոտը եւ բուրմունքը, որից կախված է շոկոլադի համը։ Արհեստագործական շոկոլադի արտադրության մեջ անչափ կարեւոր է ունդերի մանրացումը։ Դրանք բովելուց հետո՝ փշրում ենք մելանժորի մեջ։

Լուսանկարը՝ Մեդիամաքս Մհեր Թադեւոսյանը


Ունդը շոկոլադ դառնալուց  հետո լցվում է հատուկ կոնտեյների մեջ, որպեսզի հասունանա ու ծաղկի։ Ծաղկելուց հետո միայն հալեցվում է, կոփվում, ապա լցվում է կաղապարների մեջ։ Հետո նոր ստացվում է մեզ ծանոթ շոկոլադը։

Լուսանկարը՝ Մեդիամաքս


Մեր շոկոլադե կոնֆետների միջուկը հայկական է։ Եզակի միջուկների շարքում  մրգային եւ բանջարեղենային չրերն են, թթի ու նռան դոշաբը, բաստուրման, հայկական անանուխն ու թարխունը, Թեղուտի մեղրը։

Լուսանկարը՝ Մեդիամաքս


Մեր շոկոլադը վաճառվում է Ռուսաստանում, ԱՄՆ-ում եւ շուտով կհայտնվի նաեւ Եվրոպայում։

Լուսին Մկրտչյան

Լուսանկարները՝ Էմին Արիստակեսյանի

Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Կարդալ ավելին