Wine Republic Yerevan եւ Asador ռեստորաններում 2020-ի սկզբից մեկնարկել է «Ծովախեցգետնի ֆեսթ» (Shrimp Fest) շրջանը. այցելուները մի քանի ամիս շարունակ կարող են հատուկ առանձնացված ճաշացանկից ընտրել ծովախեցգետիններով պատրաստված մի շարք կերակուրներ: 

Wine Republic Yerevan-ի ներկայացուցիչը GastroVino-ին պատմել է նոր առաջարկների ու Shrimp Fest-ի մանրամասների մասին: 

Ի՞նչ, որտե՞ղ, ինչո՞ւ 

Ոչ թե հին ճաշատեսակներն ենք փոփոխել, այլ ճաշացանկը լրիվ նոր կերակուրներով ենք համալրել: Մշտապես փորձում ենք հնարավորինս շատ նորություն բերել շուկայում: Անգամ եթե դա շատերի համար անսովոր լինի, միեւնույն է՝ ռիսկի ենք գնում, մեր հաճախորդներին սովորեցնում ու պատմում այդ անսովոր ուտեստների մասին: 

Ամենաշատ ավելացումները կապված են Shrimp Fest-ի հետ, որը ժամանակավոր է լինելու: Նկատել էինք՝ ծովախեցգետիններով ուտեստները բավականին պահանջված են մեր ռեստորաններում, ուստի որոշեցինք դրանց շարքն ավելացնել ու հատուկ ճաշացանկ առանձնացնել: Այս ճաշացանկում ուտեստների անվանումներն ուղեկցվում են նկարներով: 

Ծովախեցգետինները ներկրում ենք Էկվադորից, Wine Republic եւ Asador ռեստորաններում ծովախեցգետնի ճաշատեսակների մի մասը նույնն է: Որոշ կերակուրներ մեր հին մենյուից են, քանի որ ծովախեցգետինները հավաքել ենք մեկ տեղում, նույն ճաշացանկում ընդգրկել ենք ծովախեցգետիններով հին եւ նոր ուտեստները: 

Էկվադորյան ծովախեցգետին

Զաթար համեմունքով եփված ծովախեցգետին է՝ թեթեւ «չրթելու» ուտեստ. ծովախեցգետինները չմաքրած են: Այն կարելի է կիսել ընկերների հետ, մեկ բաժինը 400 գրամ է. բավականին հագեցնող ուտեստ է: Asador-ի հին ճաշացանկից է, այն Wine Republic-ում է նորություն: 

12

Էկվադորյան ծովախեցգետին սառույցի վրա | Լուսանկարը՝ Wine Republic Yerevan

Այս ուտեստը մատուցում ենք ե՛ւ տաք, ե՛ւ սառը վիճակում: Սառը տարբերակը նորություն է, ճաշացանկում առանձնացված է «Էկվադորյան ծովախեցգետին սառույցի վրա» անվանմամբ, այն մատուցվում է հենց սառույցի վրա: Սա ֆեսթից հետո, հավանաբար, կպահպանենք մեր հիմնական ճաշացանկում. այն հատկապես ամռանը հաճելի կլինի ուտել: 

Ծովախեցգետնի թավա սագանակի ոճով

Հունական բաղադրատոմսով է պատրաստվում, օգտագործվում է ֆետա պանիր եւ տոմատի սոուս: Շատ հայտնի ու տարածված ծովափնյա ուտեստ է: Այս դեպքում ծովախեցգետինները մաքրել ենք: Այն Wine Republic-ում ժամանակավոր կլինի: 

12

Ծովախեցգետնի թավա սագանակի ոճով | Լուսանկարը՝ Wine Republic Yerevan

Դինամիտ ծովախեցգետին

Ուտեստի հեղինակը մեր թաիլանդացի շեֆ-խոհարար Վիտայա Թոնգսոդսաենգն է: Ծովախեցգետինը եփվում է վասաբիով պատրաստված սոուսի մեջ, հետը մատուցվում է ֆունչոզա, որը չիպսի նման է պատրաստվում: 

12

Ծովախեցգետնի թավա սագանակի ոճով | Լուսանկարը՝ Wine Republic Yerevan

Խրթխրթան ծովախեցգետնի թեմփուրա

Թեմփուրան շատ սպասված ուտեստ էր. առաջին օրը երբ ներկայացրինք ճաշացանկը, մեկ ժամ հետո Asador-ում բոլոր սեղանների վրա գոնե մեկ հատ ծովախեցգետնի թեմփուրա կար: 

12

Խրթխրթան ծովախեցգետնի թեմփուրա | Լուսանկարը՝ Wine Republic Yerevan

Ծովամթերքի թեմփուրա (կալմար կամ ութոտնուկ) նախկինում ունեցել ենք, իսկ ծովախեցգետնի թեմփուրան նորություն է: Ալյուրային միքսով պատում ենք ծովախեցգետինն ու տապակում: 

Էկվադորյան ծովախեցգետին՝ կարագով, սխտորով եւ մաղադանոսով

Եփում ենք հրակայուն կավե ամանի մեջ, նույն ծանր ամանով էլ մատուցում ենք, ինչը շատ գրավում է այցելուներին: Մեր ռեստորանում այն բավականին շատ է սիրվել: 

12

Էկվադորյան ծովախեցգետին՝ կարագով, սխտորով եւ մաղադանոսով | Լուսանկարը՝ Wine Republic Yerevan

Wine Republic-ում սա կրկին ֆեսթի մաս է կազմում ու չի ներառվելու ճաշացանկում: 

Մեծ սեւ վագրային ծովախեցգետին

Մեծ ծովախեցգետիններ միշտ էլ եղել են Asador-ում: Թարմ վիճակում ներկայացված են սառույցի վրա, հենց այցելուներն ընտրում են, պատրաստում ենք գրիլի վրա: 

12

Մեծ սեւ վագրային ծովախեցգետին | Լուսանկարը՝ Wine Republic Yerevan

Հիմա ընտրության հնարավորություն ենք տալիս՝ կամ մատուցում ենք մեր հին ձեւով, կամ պատրաստում ենք նախորդ ուտեստի բաղադրատոմսով՝ կարագով, սխտորով եւ մաղադանոսով: 

Եթե տեսնենք, որ որեւէ ուտեստի պահանջարկը մեծ է, հետագայում կփորձենք ներառել մեր հիմնական ճաշացանկում: Որոշ ուտեստներ արդեն մեծ ճանաչելիություն ունեն: 

Ծովախեցգետին վասաբի սոուսով

Asador-ի հին ճաշացանկից է: Սոուսը մատուցում ենք առանձին, որի հիմնական բաղադրիչներն են վասաբին եւ ճապոնական մայոնեզը, «կոկտեյլային» կերակուր է: 

12

Ծովախեցգետին վասաբի սոուսով | Լուսանկարը՝ Wine Republic Yerevan

Այժմ այս ուտեստը Wine Republic-ում դարձել է բեսթսելեր: 

Ծովախեցգետնի թավաները

Ինչպես նշեցի՝ մի քանի ուտեստ մեր հին մենյուից են, օրինակ, թավայի մեջ պատրաստվող ծովախեցգետինները: 

«Ծովախեցգետնի թավա ասիական ոճով» ուտեստը ծովակատարի եւ ծովախեցգետնի խառնուրդ է: Օգտագործվում են տարբեր գույների բուլղարական պղպեղներ, սոխ, ասիական համեմունքներով թեթեւ կծու սոուս: 

12

Ծովախեցգետնի թավա ասիական ոճով | Լուսանկարը՝ Wine Republic Yerevan

«Ծովախեցգետնի թավա սերուցքով եւ բանջարեղենով» ուտեստի դեպքում 

ծովակատարին եւ ծովախեցգետնին ավելանում են դդմիկ, գազար, սոուս: 

12

Ծովախեցգետնի թավա սերուցքով եւ բանջարեղենով | Լուսանկարը՝ Wine Republic Yerevan

«Ծովախեցգետնի թավա սխտորով եւ խոտաբույսերովը» պատրաստվում է 13 համի ասիական համեմունքներով: 

12

Ծովախեցգետնի թավա սխտորով եւ խոտաբույսերով | Լուսանկարը՝ Wine Republic Yerevan

Ամալի Խաչատրյան 

Լուսանկարները՝ Wine Republic Yerevan-ի