Վերջին տարիներին սոցիալական ցանցերում հաճախ կարելի է օրը հարուստ սպիտակուցներ պարունակող նախաճաշով սկսելու խորհուրդներ հանդիպել:

Դերասանուհի Ջենիֆեր Էնիսթոնը երկար տարիներ հենց այդպես է վարվում՝ Elle-ին տված հարցազրույցում նա բացահայտել է իր առավոտյան ռեժիմի հիմնական սկզբունքները։ 

Օրը սկսվում է տաք կիտրոնաջրով։ Դրան հետևում է սննդարար նախաճաշը: Դա կարող է սպիտակուցային սմուզի լինել, ավոկադո և ձու, բանանով շիլա կամ վարսակի փաթիլներ։

Էնիսթոնի ամենահայտնի նախաճաշային հնարքը վերաբերում է հենց վարսակին՝ եփման վերջում հարած ձվի սպիտակուց է ավելացնում։

Այս տեխնիկան միանգամից երկու առավելություն ունի՝ վարսակն ավելի փափուկ և կրեմային կառուցվածք է ձեռք բերում, իսկ զանգվածին ավելանում է մոտ 3–4 գրամ սպիտակուց։

Էնիսթոնը պատմել է նաեւ նախաճաշային քեսադիլյա պատրաստելու իր տարբերակով.  թավայի մեջ բարակ շերտով լցնում է հարած ձուն, վրան ավելացվում է քերած պանիր և վրայից դնում տորտիլյան։ Շրջելուց հետո ներսում ավելացնում է հավելյալ պանիր կամ տապակած բեկոն։