Կասկադում տեղակայված Aperitivo Yerevan սրճարանը հայտնել է, որ 2026 թվականի հունվարի 1-ից էապես իջեցնում է սուրճի գները:

Սրճարանի հաղորդագրության մեջ նշված է, որ, մասնավորապես, հունվարի 1-ից իրենց մոտ էսպրեսոն կարժենա 400 դրամ, ամերիկանոն՝ 600 դրամ, կապուչինոն՝ 800 դրամ:

Նշենք, որ երեւանյան սրճարաններում սուրճի նշված բոլոր տեսակների միջին գինը կազմում է 900-ից  1 500 դրամ:

«Հավատացած ենք, որ հիանալի սուրճը պետք է լինի մատչելի, ազնիվ եւ հոգատարությամբ պատրաստված», - հայտնել են Aperitivo Yerevan-ում: