2025 թվականի հունվարին Վրաստանն արտահանել է մոտ 4,2 մլն լիտր գինի, ինչը 28%-ով պակաս է նախորդ տարվա նույն ժամանակահատվածի համեմատ։

News Georgia-ն հաղորդում է, որ գինու արտահանումից ստացված եկամուտը կազմել է $12,9 մլն դոլար՝ կրճատվելով 34,5%-ով։

Ռուսաստան արտահանման ծավալը 2024 թվականի հունվարի համեմատ կրճատվել է 47,6%-ով այն պարագայում, որ 2024թ. հունվարին գրանցվել էր դեպի ՌԴ արտահանման ռեկորդային ծավալ։

Ռուսաստանը շարունակում է մնալ վրացական գինու ամենամեծ շուկան՝ արտահանման 53,8%-ը։ Երկրորդ տեղում Չինաստանն է, երրորդում՝ Լեհաստանը։

2024 թվականին Հայաստանում գինու արտադրության ծավալները նվազել էին 29%-ով։

Հայաստանի խաղողագործության եւ գինեգործության հիմնադրամի տնօրեն Զարուհի Մուրադյանը GastroVino-ին տված հարցազրույցում ասել էր, որ դա պայմանավորված է նրանով, որ գինեգործները չեն շշալցրել արտադրած գինու որոշակի մասը՝ պահանջարկի նվազման պատճառով, որն էլ իր հերթին պայմանավորված էր դեպի Հայաստան զբոսաշրջային հոսքերի նվազմամբ։