Հայաստանը ներկայացնող 18 գինեգործական ընկերություն այս տարի առաջին անգամ կմասնակցի Vinexpo New York գինու միջազգային ամենամյա ցուցահանդեսին։

Հայաստանի խաղողագործության եւ գինեգործության հիմնադրամի նախաձեռնությամբ եւ աջակցությամբ հայ գինեգործները ԱՄՆ-ում հանդես կգան միասնական տաղավարով եւ կներկայացնեն շուրջ 60 տեսակի գինի։

Հայաստանի խաղողագործության եւ գինեգործության հիմնադրամից տեղեկացրել են, որ հունիսի 25-26-ը տեղի ունենալիք Vinexpo America (Vinexpo New York 2024) ցուցահանդեսին կմասնակցի գինի արտադրող 32 երկրի ավելի քան 440 գինեգործական ընկերություն։

Նշվում է, որ Միացյալ Նահանգները թե ծավալային, թե գնային առումով համարվում է ամենախոշոր գինի ներմուծող երկիրը։