Հունիսի 26-ից 27-ը Հայաստանում առաջին անգամ տեղի կունենա սոմելիեների մրցույթ, որի հաղթողը կարժանանա 2023 թվականի «Հայաստանի լավագույն սոմելիե» պատվավոր կոչմանը։

Մրցույթը կազմակերպում է Հայաստանի սոմելիեների և փորձագետների ասոցիացիան՝ Հայաստանի խաղողագործության և գինեգործության հիմնադրամի աջակցությամբ։

«Ալեքսանդր» հյուրանոցում կայանալիք մրցույթն անցկացվելու է երկու փուլով․

- ընտրական փուլ՝ հունիսի 26-ին մասնակիցները ժյուրիին կներկայացնեն իրենց հմտություններն ու կպայքարեն եզրափակիչ փուլ անցնելու համար:

- եզրափակիչ փուլ՝ հունիսի 27-ին ժյուրիին ընտրելու է հաղթողին։

Եզրափակիչ փուլը մեկնարկելու է ժամը 13։00-ից։ Ողջ օրը նաև գործելու է գինու «սալոն», որտեղ հայ գինեգործները կներկայացնեն իրենց արտադրանքը։

Հաղթողին հայտարարելու հանդիսավոր փուլը տեղի կունենա ժամը 17։00-ին։