Հուլիսի 17-21-ը Հայաստանում կգտնվի Գերմանիայի Գայզենհայմի համալսարանի դասախոսների խումբը՝ դասախոսություններ վարելու «Գինու բիզնես» խորագրով համաժողովում եւ դրան հաջորդող ամառային դպրոցում:

Համաժողովը կկայանա հուլիսի 17-ին, «Բեսթ Վեսթերն Կոնգրես Երեւան» հյուրանոցում, իսկ հաջորդող ամառային դպրոցը՝ Ագրարային համալսարանի Ագրոտեխնոլոգիաների ինկուբատորի լսարանում:

Համաժողովի եւ ամառային դպրոցի ժամանակ կքննարկվեն գինեգործության եւ գինու բիզնեսի համար կարեւոր թեմաներ. գինու զբոսաշրջությունը՝ որպես շուկայավարման գործիք, կլիմայի փոփոխության ազդեցությունը ոլորտի վրա, ռազմավարական կառավարում, ձեռներեցություն եւ այլն:

Ամառային դպրոցի մանրամասն օրակարգին կարելի է ծանոթանալ այս հղումով։

Ամառային դպրոցի աշխատանքային լեզուն անգլերենն է: Ամառային դպրոցին մասնակցելու ցանկություն ունեցող թեկնածուները կարող են մինչեւ հուլիսի 1-ը
կենսագրական տվյալները (CV) եւ ուղեկցող  նամակը ուղարկել՝ լրացնելով այս ձեւաթուղթը։

Համաժողովը կազմակերպվում է Գայզենհայմի համալսարանի նախաձեռնությամբ՝ Գերմանական միջազգային համագործակցության ընկերության (GIZ), Հայաստանի խաղողագործության եւ գինեգործության հիմնադրամի եւ Հայաստանի ազգային ագրարային համալսարանի համագործակցության շրջանակում: