Հուլիսի 9-ից 10-ը Սանկտ Պետերբուրգի Առաջին կադետական կորպուսի Մանեժում տեղի կունենա հայկական գինեգործությանը նվիրված ArmWine ցուցահանդեսը։

ArmWine 2023-ին կներկայանան 36 հայկական գինեգործական ընկերություններ եւ ավելի քան 200 գինիներ:

Ցուցահանդեսին կմասնակցեն 60 հայ գինեգործներ, հիմնադիրներ եւ արտադրության ղեկավարներ, էնոլոգներ, բրենդ ամբասադորներ, սոմելյեներ, գինեգործական տուրերի կազմակերպիչներ։

ArmWine-ի շրջանակներում Հայաստանի զբոսաշրջության կոմիտեն առանձին կներկայացնի էնոգաստրոնոմիկ տուրերի ոլորտում մասնագիտացած հայաստանյան տուրօպերատորներին։ Նաեւ կկայանա Անահիտ Կարապետյանի «Էնոգաստրոնոմիկ Հայաստան. համեղ արահետներ գինու սիրահարների համար» դասախոսությունը:

ArmWine 2023-ի շրջանակներում տեղի կունենա նաեւ «Հայաստան՝ թաքնված ճանապարհ» ֆոտոցուցահանդեսը։

2022 թվականին ArmWine ցուցահանդեսն անցկացվել էր Մոսկվայում:

Մանրամասները հասանելի են https://armwine.pro/ կայքում: