Cardano բլոկչեյն հարթակը Վրաստանի գինու Ազգային գործակալության եւ Բոլնիսիի գինի արտադրողների ասոցիացիայի հետ համատեղ կստեղծի հավելված՝ վրացական գինիների որակին ու իսկությանը հետեւելու համար։

«Այս համագործակցությունը թույլ կտա մշակել ճկուն հավաստագրման եւ դիտարկման համակարգ, որն ապահովում է թափանցիկություն եւ վստահելիություն գինեգործարանների եւ հաճախորդների համար՝ բերքահավաքից մինչեւ սպառում», - ասել է Cardano Foundation-ի փոխնախագահ Մել ՄաքՔենը:

Հավելվածը շշի վրա տեղադրված QR կոդի վրա ուղղելով՝ օգտատերերը կտեսնեն ողջ տեղեկատվությունը արտադրանքի ծագման եւ մատակարարման ամբողջ շղթայի մասին։

Առաջին փուլում հավելվածը կներառի 100 հազար շիշ՝ 2022 թվականի բերքից։