Սպրիլի 28-ին եւ 29-ին «Բեստ Վեստերն Փլաս Կոնգրես» հյուրանոցում տեղի կունենա «Հայաստանի գինիներ» կույր-համտես մրցույթը:

2 օրերի ընթացքում 30 հոգուց բաղկացած համտեսող-գնահատողների հանձնաժողովը կիրականացնի փակ համտես:

Լավագույն գինիները, որոնք կհաղթահարեն անցողիկ շեմը (85 եւ ավել միավոր) կստանան «Հայաստանի գինիներ» (Wines of Armenia) որակի հավաստման տարբերանշանը եւ կներկայացվեն Եվրոպայում գործարկված www.winesofarmenia.store հայկական գինիների առցանց վաճառքի միասնական հարթակում:

Կույր համտես մրցույթին կմասնակցի 43 հայկական գինեգործական ընկերություն՝ 147 անուն գինով:

Մրցույթի բարձր որակն ու թափանցիկությունն ապահովելու նպատակով համտեսող-գնահատողների աշխատանքը կհամակարգեն գինու զգայորոշման ոլորտում երկարամյա փորձ եւ բարձր որակավորում ունեցող գինու փորձագետները:

Մրցույթը կազմակերպում է Հայաստանի խաղողագործության եւ գինեգործության հիմնադրամը` Գերմանիայի միջազգային համագործակցության ընկերության (ԳՄՀԸ GIZ) աջակցությամբ: