Zulal Wines ընկերության գինիները կարեւոր մրցանակների են արժանացել TEXSOM International Wine Awards մրցույթում, որն ամեն տարի անցկացվում է ամերիկյան Տեխաս նահանգում:

Zulal Areni կարմիր եւ Zulal Voskehat սպիտակ գինիները արժանացել են ժյուրիի մրցանակին` Other Global Red եւ Other Global White անվանակարգերում:

Երեք հայկական գինի TEXSOM մրցույթում արժանացել է արծաթե մեդալի.

Zulal Areni Reserve (2018), Yacoubian-Hobbs Sarpina Areni (2017) եւ Keush:

TEXSOM մրցանակը հիմնադրվել է 2005 թվականին՝ որպես կոնֆերանս Տեխասի սոմելյեների համար, սակայն տարիների ընթացքում միջազգային համբավ է ձեռք բերել:

GastroVino-ն նշում է, որ Zulal Voskehat եւ Zulal Areni Reserve գինիները վերջերս բարձր գնահատականի էին արժանացել նաեւ Houston Chronicle պարբերականի մասնագետների կողմից: