BELUGA GROUP-ը հայտարարել է, որ 2020 թվականի մարտի 1-ից կդառնա Ռուսաստանում «Նոյ» կոնյակների բացառիկ դիստրիբյուտորը:

Մեկնաբանելով համագործակցության պայմանագիրը, BELUGA GROUP-ի վարչության նախագահ Ալեքսանդր Մեչետինը, մասնավորապես, ասել է. 

«Ռուսաստանում մենք ներկայացնում ենք ամենաբարձր կարգի խմիչքները ՝ կենտրոնանալով հիմնական կատեգորիաներում առաջատար դերակատարների վրա: «Նոյը» համապատասխանում է այդ ստանդարտներին եւ ներդաշնակորեն լրացնում է համաշխարհային ապրանքանիշերի մեր հավաքածուն»:

Երեւանի ԱՐԱՐԱՏ կոնյակի-գինու-օղու կոմբինատի հիմնադիր Գագիկ Ծառուկյանն էլ հույս է հայտնել, որ «BELUGA GROUP-ի հետ համագործակցությունը նոր մակարդակի կբարձրացնի «Նոյ» ապրանքանիշի ներկայացվածությունը»: