Երեւանի կոնյակի գործարանը հայտնել է նորարարական շարքի շարունակության մասին եւ ներկայացրել է ARARAT Single Cask 12 YO-ը:

«ARARAT Single Cask 12 YO-ին նախորդած առաջին ARARAT նորարարական խմիչքը Երեւանի կոնյակի գործարանի վարպետներին ոգեշնչել է շարունակել շարքը՝ ցույց տալով, որ նորարարությունը ոչ միայն մշտական կատարելագործում է, այլեւ միանգամայն նոր, անսպասելի եզրերի բացահայտում:  

ARARAT Single Cask 12 YO-ը Երեւանի կոնյակի գործարանի սահամանափակ քանակությամբ արտադրանքն է, որն ունի ARARAT շարքի համար բացառիկ 12 տարվա հնացման տարիքային հատկանիշ: Առանց կուպաժի եւ բացառապես հայկական Լալվար էնդեմիկ տեսակի խաղողից արտադրված ARARAT Single Cask 12 YO-ն ասես գրիզայլ է՝ մեկ գույնով արված կտավ, քանզի Լալվար խաղողի համահոտային նոտաների բազմազանությունը ARARAT-ի վարպետների ձեռքերում ստեղծեցին առատաձեռնության վառ եւ աներեւակայելի մի ցոլք», - հայտնել են Երեւանի կոնյակի գործարանում:

3

Մեկ տակառում 12 տարի հասունանալով՝ ARARAT Single Cask 12 YO-ի համար օգտագործվող կոնյակի սպիրտը հնացվել է ԵԿԳ-ի Տավուշի մասնաճյուղի մառաններում իրենց հիմնադրման առաջին իսկ օրվանից: 

Հայաստանի հյուսիս-արեւելքում աճող Լալվար հազվագյուտ տեսակի խաղողից ստացված կոնյակի սպիրտը երկար ժամանակ հասունացել է Տավուշի մառաններում, որտեղ տարիների ընթացքում կլոր տարի կայուն ջերմաստիճանը եւ հյուսիսային մեղմ կլիման համահոտային երանգների վիտրաժությանն հաղորդել են ազնվական հղկվածություն: Հնացման նմանատիպ մոտեցման շնորհիվ, ARARAT Single Cask 12 YO-ը տարբերվում է բացառիկ նրբագեղությամբ, համի եւ բույրի բազմասյուժետային ամբողջականությամբ:

3

ARARAT Single Cask 12 YO-ը բնութագրվում է նուրբ ծաղկային եւ ծխեցված սալորաչրի   երանգներով հագեցած կարամելա-վանիլային ներդաշնակ բույրով: Շաքարացված մրգերի եւ բոված ընկույզի ծավալուն, հագեցած աշխույժ համը վերածվում է երկարատեւ, հաճելիորեն ջերմացնող հետհամի: 

Լուսանկարները՝ Երեւանի կոնյակի գործարան