Asador-ի այցելուներին 2020 թվականին նորություններ են սպասում. շուտով այս ռեստորանում կարող եք Ֆրանսիայի հյուսիսի ծովամթերք համտեսել՝ ծովախեցգետիններ, կրաբեր, ոստրեներ: Asador-ի հիմնադիր Արսեն Հովհաննիսյանը վերջերս այցելել է ֆրանսիական Viviers d'Audierne ձկնագործական ընկերություն, ծանոթացել տեսականուն ու քննարկել ծովամթերքը Հայաստան ներմուծելու պայմանները:

Ձկնորսների ձեռքով բռնած

Asador-ում մատուցվող ծովամթերքի մեծ մասը Հնդկական օվկիանոսից է: Հյուսիսային ծովից էլ մի փոքր մաս ունենք, որոշ տեսակի ծովամթերք ստանում ենք նաեւ Ֆրանսիայից, բայց Viviers d 'Audierne ընկերության հետ նոր համագործակցության շնորհիվ մեր ֆրանսիական տեսականին էականորեն կավելանա:

Առանձնահատկությունն այն է, որ սրանք ֆերմերական ձկներ չեն, այլ թարմ ու ավանդական եղանակով ստացված ծովամթերք է: Viviers d 'Audierne ընկերությունն աշխատում է անմիջապես ձկնորսների հետ:

10

Այս ընկերության ապրանքատեսակները շատ բարձր որակի են: Ավելի քան 50 տարի Viviers d 'Audierne-ն շուկայում տարբեր տեսակի կենդանի խեցգետիններ եւ թարմ ձկներ է վաճառում:

Նոր խեցգետիններ եւ կրաբեր

Viviers d 'Audierne-ը հայտնի է եվրոպական կապույտ խեցգետիններով, սա ամենաթանկ տեսակներից մեկն է. միսն իսկապես քաղցր է:

10

Բացի եվրոպական խեցգետիններից մեր ճաշացանկում ավելանալու է նաեւ կրաբերի տեսականին: Դրանցից մեկը հայտնի սարդի նման կրաբն է: Նորություններ կլինեն նաեւ ոստրեներից:

Բնական ու համեղ

Viviers d 'Audierne-ը փոքր ընկերություն է համարվում, բայց աշխատում է Ֆրանսիայի լավագույն ռեստորանների հետ:

10

Գտնվում է Ֆրանսիայի Բրետան թերակղզու արեւմտյան հատվածում, ծովի ափին: Ծովի ջերմաստիճանը եւ հոսանքները նպաստում են նրան, որ ծովամթերքը բավականին համեղ է դառնում:

10

Ծովամթերքը կստանան կենդանի վիճակում

Ծովամթերքը ձկնորսներից կենդանի վիճակում ստանալուց հետո ընկերության աշխատակիցները ձեռքերով տեսակավորում են այն ու տեղավորում լողավազանների մեջ:

10

Տրամադրում են նաեւ ֆիլտրման ամենաժամանակակից համակարգերը, որոնք երաշխավորում են ծովամթերքի թարմությունը:

10

Viviers d'Audierne-ը հիմնականում ծովամթերքը վաճառում է կենդանի վիճակում, ոչ բոլոր ընկերություններն են նման կերպ աշխատում:

10

Asador-ը նույնպես ծովամթերքը կենդանի վիճակում է ստանալու: Այն պահլու ենք մեր լողավազաններում, ուստի ծովամթերքը մշտապես թարմ կլինի:

Ամալի Խաչատրյան

Լուսանկարները՝ Asador-ի