Ֆրանսիական PAUL («Փոլ») սրճարանների ցանցը շուտով մուտք կգործի Հայաստան։ 

Այդ մասին այսօր տեղեկացրել է «Գալաքսի» ընկերությունների խումբը, նշելով, որ երկամյա բանակցություններից հետո պայմանագիր է ստորագրել PAUL Interntional-ի հետ։ 

Պայմանագրի համաձայն, առաջիկա տարիներին Հայաստանում կբացվի 5 PAUL սրճարան:

««Գալաքսի» ընկերությունների խմբում հյուրանոցային եւ ռեստորանային ոլորտը այն կարեւոր ուղղություններից է, որտեղ մենք տարիներ շարունակ նորամուծություններ ենք բերում, փոփոխում ենք ոլորտի խաղի կանոնները, եւ PAUL-ը այդ առումով մեր հերթական ձեռքբերումն է։ 130 տարվա վաղեմություն ունեցող այս բրենդը մի ամբողջ փիլիսոփայություն է, որը սովորեցնում է փոքրիկ ուրախություններով կյանքը սիրելու ու վայելելու արվեստը՝ ֆրանսիական «arts de vivre»-ն», - ասել է «Գալաքսի» խմբի համահիմնադիր Արտյոմ Խաչատրյանը։