Wine Republic Yerevan ռեստորանային խումբը 2025 թվականի ամռանը արագ սննդի նոր նախագիծ կգործարկի:

Այդ մասին տեղեկանում ենք QBTEC ընկերության վաճառքների ներկայացուցիչ Մարկ Պելսի գրառումից: Դրանում, մասնավորապես, ասվում է.

«Հաշվի առնելով Արսենի (Wine Republic Yerevan-ի հիմնադիր Արսեն Հովհաննսիսյան-խմբ.) ավելի քան 11 տարվա փորձը ռեստորանային բիզնեսում, մենք համոզված ենք, որ ֆանտաստիկ նախագիծ է լինելու»:  

Մարկ Պելսը տեղեկացրել է, որ QBTEC-ի կազմի մեջ մտնող Perfecta-ն շուտով կսկսի տապակիչի արտադրությունը Wine Republic Yerevan-ի հատուկ պատվերով:

QBTEC-ը Եվրոպայի եփելու եւ տապակելու պրոֆեսիոնալ սարքավորումների ամենամեծ արտադրողն է: Այն միավորում է վեց պրեմիում դասի բրենդեր՝ Kiremko, Perfecta, Smitto, Qook!, Adieu եւ HiFri: