Վրաստանում մեկ հատ իմերեթական խաչապուրի պատրաստելու միջին արժեքը կազմել է 5,77 լարի, ինչը պատմական առավելագույն ցուցանիշ է։

Ամենամսյա «Խաչապուրիի ինդեքսը» հրապարակվում է Թբիլիսիի պետական համալսարանի Տնտեսագիտության միջազգային դպրոցի կողմից։

2021 թվականի հունվարի համեմատ խաչապուրիի պատրաստման արժեքն աճել է 23.7%-ով:

Ռեկորդային թանկացումը բացատրվում է խաչապուրիի բոլոր բաղադրիչների թանկացմամբ։ Մեկ տարվա ընթացքում Վրաստանում կարագը թանկացել է 23%-ով, պանիրը՝ 16%-ով, խմորիչը՝ 15%-ով, կաթը՝ 10%-ով։