×
«ՏաԹեւեր» ճոպանուղու ամենաբարձր կետում՝ 320 մետր բարձրության վրա, հոկտեմբերի 15-ին կազմակերպվել էր ընթրիք՝ նվիրված «ՏաԹեւեր» ճոպանուղու կառուցման 11-ամյակին։
IDeA հիմնադրամից հայտնում են, որ շեֆ խոհարար Ռաֆայել Կազումյանը ճոպանուղու խցիկում պատրաստել է յուրահատուկ ուտեստ հյուրերի եւ աշխարհի տարբեր երկրներից Հայաստան ժամանած միջազգային լրագրողական խմբի համար։
«Ես ցանկանում էի պատմել «ՏաԹեւերի» մասին սիմվոլիզմի միջոցով։ Բոլորիս է հայտնի թեւավոր թռչնի եւ Տաթեւի վանքի ճարտարապետի մասին լեգենդը, ով թեւեր առնելով նետվեց ժայռից, ձգտելով հասնել հավերժության։ Այդ իսկ պատճառով ինձ համար հավերժության խորհրդանիշը թեւավոր թռչնի հավկիթն է եւ հենց դա էլ ես այսօր ընտրեցի։
Լուսանկարը՝ IDeA
Կճեպը պատրաստել եմ չհալչող շաքարից։ Միջուկի ինգլեզե կրեմը ամենահայտնի դեսերտային սոուսն է, որը պատրաստվում է հավկիթի դեղնուցից։ Ես այն պատրաստել եմ՝ օգտագործելով ընկույզի կաթ, այնուհետեւ դդմի սերմերից պատրաստել եմ քրամբլ, ավելացնելով մեղր։ Իսկ դեղնուցը պատրաստել եմ չիչխանից՝ այն դարձնելով հեղուկ միջուկով շոկոլադե բոնբոն»,- պատմել է Ռաֆայել Կազումյանը։
Լուսանկարը՝ IDeA
Օտարերկրյա հյուրերն ու լրագրողական երկու միջազգային խմբեր ժամանել էին Հայաստան ծանոթանալու հայկական պատմությանը, մշակույթին եւ զբոսաշրջային գրավչությանը, բացահայտելու գաստրոտուրիզմի եւ գինեգործության հնարավորություններն ու ներուժը Հայաստանում։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: