×
Վրաստանի ռեստորանների ասոցիացիայի նախագահ Կոնստանտին Գաբրիչիձեն ասել է, որ ռեստորանների ժամանակավոր փակման մասին Կորոնավիրուսի տարածումը կանխարգելող համակարգող միջգերատեսչական խորհրդի առաջարկի իրականացումը կհանգեցնի ոլորտի ֆինանսական կործանմանը:
«Մենք հույս ունենք խորհրդակցել կառավարության հետ՝ ռեստորանների փակման դեպքում ռեստորանային ոլորտին որոշակի փոխհատուցում տրամադրելու հարցի վերաբերյալ»,- ասել է Գաբրիչիձեն:
Նա նշել է, որ Վրաստանում ռեստորանային ոլորտում աշխատում են «տասնյակ հազարավոր մարդիկ»։
Մարտի 16-ին Համակարգող խորհուրդը՝ Վրաստանի վարչապետ Գիորգի Գախարիայի գլխավորությամբ, առաջարկել է ռեստորանների սեփականատերերին ժամանակավորապես փակել իրենց հաստատությունները եւ մատուցել միայն սննդի առաքման ծառայություններ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: